Oʻzbekiston va Azarbayjon raqamli transformatsiya, IT-industriyasini rivojlantirish va kiberxavfsizlik sohalarida oʻzaro hamkorlikni chuqurlashtirish istiqbollarini muhokama qildi.
Muhokama xalqaro sammitda Baku shahrida boʻlib oʻtdi
Oʻzbekiston raqamli texnologiyalar vazirligi maʼlumot berishicha, muzokaralar BMT innovatsion boshqaruvining xalqaro Sammiti doirasida Baku shahrida oʻtkazilgan. Oʻzbekiston delegatsiyasiga rahbarlikni raqamli texnologiyalar vazirining birinchi oʻrinbosari Ayubxon Sultanov boshchilik qildi. Azarbayjon tomidan raqamli rivojlanish va transport vazirligining oʻrinbosari Rashid Xasanov boshchiligidagi vakillar ishtirok etdi.
Tomonlar davlat boshqaruvini raqamlashtirish, elektron davlat xizmatlarini kengaytirish va startaplar ekotizimini qoʻllab-quvvatlash sohalarida birgalikda ishlash imkoniyatlarini koʻrib chiqdi. Ikki davlatning IT kompaniyalari eksport salohiyatini oshirishga alohida eʼtibor qaratildi.
Ishtirokchilar axborot-kommunikatsiya texnologiyalari bozorini rivojlantirish, IT mutaxassislari uchun yuqori malakali ish oʻrinlari yaratish va sunʼiy intellektning sanoatni oʻzgartirishga taʼsirini koʻrib chiqishdi. Bundan tashqari, muhim axborot infratuzilmasini himoya qilish masalasi ham muhokama qilindi.
Ikki davlat vakillari kiberxavfsizlik va axborot tizimlarini himoya qilish uchun zamonaviy texnologiyalarni joriy etish boʻyicha fikr almashishdi. Uchrashuv yakunida ikki tomon ham amaliy hamkorlikni yanada rivojlantirish, tajriba almashish va raqamli rivojlanish sohasida birgalikdagi loyihalarni amalga oshirishga qiziqishini tasdiqladilar.
