Sogʻliqni saqlash tizimini, xususan, onkologiya xizmatini jahon standartlariga muvofiq modernizatsiya qilish va ilgʻor xorijiy tajribani joriy etish boʻyicha xalqaro hamkorlik doimiy rivojlanmoqda. Bunga mamlakatimizning malakali mutaxassislari guruhining oʻquv-amaliy stajirovkasini muvaffaqiyatli yakunlaganligi yorqin dalil hisoblanadi.
Bu mutaxassislar tibbiy onkologlar va molekulyar diagnostika boʻyicha ixtisoslashgan tibbiy biologlardan iborat. Ular Yevropa va dunyoning yetakchi tibbiy tashkilotlaridan biri boʻlgan Gustave Roussy institutida stajirovka oʻtkazishdi.