Doimiy ravishda yangi smartfonlar, yaxshilangan kameralar va yuqori texnologiyali gadjetlar paydo boʻlsa-da, Gen Z avlodining bir qismi eskirgan texnologiyalarga qiziqish bildiryapti. Odamlar doim onlayn boʻlgan davrda baʼzi yoshlar eski kameralar bilan suratga olishni, simli quloqchinmalardan foydalanishni va filmlarni DVDda tomosha qilishni afzal koʻrishadi.
Qiziqarli jihati shundaki, avval eskirgan deb hisoblangan narsalar yoshlarni yana jalb qilmoqda. Bu hodisaning sababi nafaqat moda, balki boshqa narsani qilish istagida ham yotadi. Hammasini darhol ijtimoiy tarmoqlarda ulash oʻrniga, Gen Z baʼzi lahzalarni oʻz uchun saqlab qoʻyishni afzal koʻradi, chunki eski qurilmalar va buyumlar ularga boshqa tajriba beradi.
Yoshlarning eski gadjetlarga qiziqishi faqat ijtimoiy tarmoqlar trendi emas. Financial Times hisobotiga koʻra, Gen Z orasida raqamli kameralarning mashhurligi ortib bormoqda, Axios hisoboti esa iPodga boʻlgan talabning oshganligini qayd etadi. Bu, hatto smartfonlar davrida ham, baʼzi yoshlar eski qurilmalardan foydalanishga va raqamli dunyodan tanaffus olishga qiziqish bildirayotganini koʻrsatadi.
1. Raqamli kameralar (Digi-kameralar)
Smartfonlarda ajoyib suratlar olish imkoniyati mavjud boʻlsa ham, Gen Z vakillarining koʻplari eski raqamli kameralarni tanlaydi. Bunday kameralar bilan olingan fotosuratlar yengil vintaj rang va ularga yoqadigan maxsus uslubga ega. Ular uchun raqamli kameradan foydalanish xotiralarni saqlashning noyob usuli hisoblanadi.
2. Simli quloqchinmalar (Vayerd earphone)
Simsiz quloqchinmalar davrida simli modellar Gen Z uslubining bir qismi sifatida qaytib kelmoqda. Ular qoʻshimcha zaryadlashni talab qilmaydi va odatda arzonroq turadi. Baʼzi yoshlar ularning klassik tashqi koʻrinishini qadrlaydi, boshqalari esa ularni ishlatishda qulay deb biladi.
3. DVD va CD
Bugun film tomosha qilish va musiqa tinglash uchun koʻplab onlayn ilovalar mavjud boʻlsa-da, DVD va CD oʻziga xos noyob tajribani taklif qiladi. Gen Z vakillarining baʼzilari eski filmlarni DVDda toʻplashni va ularni DVD pleyerida tomosha qilishni yaxshi koʻrishadi. Film tanlashdan diskni ishga tushirishgacha boʻlgan butun jarayon ularga oʻtmishni eslatadi. Bu kolleksionerlik bilan shugʻullanuvchilarni ham jalb qiladi.
4. MP3-pleyerlar va iPod
Avval MP3-pleyerlar va iPodlar musiqa tinglash uchun ishlatilgan. Hozir baʼzi Gen Z vakillari bu eski qurilmalarga qaytmoqda. Ularda musiqa tinglayotganda ijtimoiy tarmoqlarni ochish yoki doim bildirishnomalarni tekshirish shart emas, bu ularga boshqa narsaga diqqat toʻxtatmasdan sevimli qoʻshiqlarni tinglashga imkon beradi.
5. Kitoblar
Elektron va audio kitoblar davrida ham haqiqiy kitoblar oʻz jozibasini saqlab qolmoqda. Gen Z vakillarining koʻplari telefon yoki noutbuk ekraniga qarash oʻrniga, qoʻlida kitob oʻqishni afzal koʻrishadi. Kitob sahifalarini aylantirish, sevimli satrlarni belgilash va uni yonida saqlash boshqa oʻqish tajribasini yaratadi. Baʼzilar uchun bu ekrandan uzoqda vaqt oʻtkazishning yaxshi usuli hisoblanadi.
Eski narsalarga murojaat qilish sababi faqat oʻtmishga nostalgiya qilish bilan cheklanmaydi. Telefonlardan doim foydalanadigan va ijtimoiy tarmoqlarda faol boʻlgan yoshlar orasida kundalik raqamli hayotdan farqli tajriba olish istagi bor. Eski gadjetlar va buyumlar ularga noyob joziba bagʻishlaydi.
Biroq, bu barcha Gen Z yangi texnologiyalardan voz kechayotgani degani emas. Biroq, bu trend zamonaviy davrda biror narsani faqat yangi va qimmatligi tufayli sevish shart emasligini koʻrsatadi; baʼzan eski narsalar oʻziga xos uslublari tufayli maxsus boʻlib qoladi.