Misr turizm va qadimgi tarixlar vazirligi yangi muhim arxeologik kashfiyotlar haqida eʼlon qildi. Mahalliy aholi xodimlarga Nil deltasi joylashgan Behbeit-el-Hagar aholi punkti da qadimgi yozuvli tosh topilganini maʼlum qildi.
Shundan soʻng, hududga arxeologlar kelib, qutqaruv qazishlarini boshladilar. Ushbu ishlar natijasida koʻplab artefaktlar topilgan boʻlib, ularning orasida ikki ulkan haykalning qismlari alohida ajralib turibdi.
Bu haykallar XIX dinastiyasining uchinchi faraoni, taxminan miloddan avvalgi 1279 yildan 1213 yilgacha hukmron boʻlgan Ramses II ga tegishli. Olimlarning dastlabki baholariga koʻra, bu haykallar aslida taxminan 8,5 metr balandlikka ega boʻlishi mumkin edi. Bu kashfiyot haqida Misr rasmiy organlari Facebook ijtimoiy tarmoq sahifasi orqali xabar berdilar.