Oʻzbekiston Yagona interaktiv davlat xizmatlari portali my.gov.uzda yangi boʻlim ishga tushirildi. Bu funksiya foydalanuvchilarga oʻz nomiga roʻyxatdan oʻtgan barcha faol bank va virtual kartalar haqida maʼlumot olish imkonini beradi.
«Bank kartalari» boʻlimi Oʻzbekiston tijorat banklari tomonidan berilgan plastik kartalar, shuningdek, banklarning mobil ilovalari orqali masofadan ochilgan virtual kartalar haqida maʼlumot beradi.
Bu maʼlumotlarga kirish uchun foydalanuvchilar my.gov.uz tizimiga kirib, tegishli boʻlimga oʻtishlari kerak. Shuni taʼkidlash joizki, bu funksiya hozircha sinov rejimida ishlamoqda.
Xizmat faqat Oʻzbekiston hududida faoliyat yuritayotgan tijorat banklari tomonidan berilgan kartalar haqidagi maʼlumotlarni koʻrsatadi.