Abdulla Qohharning uy-muzeyining faoliyati 21-sentabrdan 31-dekabrgacha vaqtincha toʻxtatiladi. Bunday qarorning sababi muzey binosida taʼmirlash-tiklash ishlari va modernizatsiya tadbirlarini oʻtkazishdir.
Tiklash ishlari davrida muzey eksponatlari va fondlarining saqlanishini taʼminlash uchun zarur choralar koʻriladi. Muzey buyumlari ekspozitsiyadan olib tashlash boʻyicha barcha xavfsizlik talablariga rioya qilinadi va ular maxsus tayyorlangan xonalarda xavfsiz saqlanishi taʼminlanadi.
Abdulla Qohharning uy-muzeyidagi barcha muzey artefaktlari jalb qilingan ekspertlar ishtirokida Oʻzbekiston Davlat sanʼat muzeyiga vaqtincha koʻchiriladi. Taʼmirlash-tiklash ishlari tugagandan soʻng, bu buyumlar barcha ehtiyot choralari rioya qilinib, Uy-muzeyga toʻliq qaytariladi.
Muzey qimmatli buyumlarni koʻchirish va keyin qaytarilishi qonunchilikda belgilangan tartib-qoidalar boʻyicha, tegishli qabul qilish-topshirish aktlariga asoslanib amalga oshiriladi. Barcha modernizatsiya va tiklash ishlari yakunlangandan soʻng, Abdulla Qohharning uy-muzeyi odatiy faoliyatini tiklaydi.