Oʻzbekistonda nanofiltratsiya texnologiyasidan foydalanadigan birinchi yirik ichimlik suvini tozalash obyekti qurilishi rejalashtirilmoqda. Bu haqda AO "Oʻzsuvtaʼminot" matbuot xizmati maʼlumot berdi.
Yangi inshoot Navoiy shahrida quriladi. Loyiha doirasida nanofiltratsiya va mikrofiltratsiya kabi zamonaviy membran texnologiyalardan foydalanish nazarda tutilmoqda.
Nanofiltratsiyaning mohiyati suvning maxsus membranalar orqali oʻtishi bilan belgilanadi. Ushbu membranalar suv qattiqligiga sabab boʻladigan kalsiy va magniy kabi moddalarning sezilarli qismini, shuningdek, baʼzi organik birikmalarni ushlashga qodir.
Bu jarayon natijasida suvning qattiqligi pasayadi va sifati barqarorlashadi.
Sentabrning 11-ida AO "Oʻzsuvtaʼminot" vakillari va China Energy Overseas Investment Co., Ltd. kompaniyasi loyihaning texnik yechimlari hamda uni Xitoyda amalga oshirishning keyingi bosqichlari boʻyicha muzokara oʻtkazishdi. Tomonlar loyihani ishlab chiqishni tezlashtirish va yaqin orada amaliy choralar koʻrishga kelishib oldilar. Uchrashuv yakunida suv taʼminoti va kanalizatsiya suvlari sohasidagi hamkorlikni kengaytirish toʻgʻrisida memorandum imzolandi.
