Oʻzbekiston tomoni mahalliy oʻyin sanoatini rivojlantirish va milliy loyihalarni xalqaro arenada targʻib qilish istiqbollari boʻyicha Oʻzbekiston va Voodoo kompaniyasi oʻrtasida muzokaralar oʻtkazilganini maʼlum qildi.
Muloqot Parijda Xalqaro kosmik sammit doirasida boʻlib oʻtdi. Uchrashuvda Prezident Administratsiyasi moliyaviy texnologiyalar, raqamlashtirish va sunʼiy intellekt departamenti rahbari Bobur Xodjayev, raqamli texnologiyalar vaziri Sherzod Shermatov hamda Voodooning Sharq Yevropa boʻyicha rahbari Yuriy Kotikov ishtirok etdi.
Ishtirokchilarning asosiy eʼtibori Oʻzbekistondagi GameDev ekotizomini rivojlantirish va Voodoo bilan hamkorlik qilish mumkin boʻlgan yoʻnalishlarni aniqlashga qaratildi. Oʻzbekiston vakillari mamlakat oʻyin sohasi, uning rivojlanish ustuvorliklari va oʻyin ishlab chiqara oladigan kompaniyalar uchun yaratilgan shart-sharoitlar haqida umumiy maʼlumot taqdim etdilar.
Voodoo kompaniyasi oʻzbekiston bozoriga qiziqish bildirdi va Oʻzbekistondagi istiqbolli oʻyin startaplariga xalqaro bozorlarga chiqishda yordam berishga tayyorligini bildirib, qoʻshimcha ravishda Voodoo Academy orqali taʼlim dasturlarini ishga tushirish va birgalikda hackatonlar oʻtkazish imkoniyati muhokama qilindi.
Keyingi hamkorlik doirasida mahalliy oʻyin studiyalari bilan uchrashuvlar rejalashtirildi. Tomonlar mahalliy kompaniyalarning salohiyatini baholash va istiqbolli oʻyin loyihalarini chet el bozorlarida birgalikda targʻib qilish imkoniyatlarini topishni nazarda tutmoqda.
