Yigʻilishda onlayn monitoring amaliyoti ijobiy natijalarni namoyish etayotgani qayd etildi. Almazor tumanining taʼlim va ilmiy salohiyatidan samarali foydalanish hamda talabalar uchun xavfsiz va zamonaviy muhit yaratishga alohida eʼtibor qaratildi.
Ushbu tuman atrofida 75 ming nafar talaba oʻqiyapti. Shu munosabat bilan talabalarning oʻquv va yashash sharoitlarini, bandligini, tadbirkor faoliyatini, madaniy hayotini va xavfsizligini qamrab oladigan kompleks boshqaruv tizimini joriy etish zarurati taʼkidlandi.