Rossiya «Bilim» jamiyati bosh direktorining oʻrinbosari Georgi Budnyi TASS bilan video-intervyuda oʻz tashkilotining faoliyatini Oʻzbekiston, Qozogʻiston, Qirgʻiziston va Tojikiston kabi Markaziy Osiyo davlatlarida kengaytirish rejalari haqida maʼlum qildi.
U birinchi navbatdagi vazifa sifatida «Bilim» jamiyati faoliyatini sovetdan keyingi davlatlarda tiklashga eʼtibor qaratishini taʼkidladi. Hozirda Markaziy Osiyo davlatlari – Qirgʻiziston, Tojikiston, Oʻzbekiston Respublikasi va Qozogʻistonga alohida eʼtibor qaratilmoqda. Bundan tashqari, jamiyat loyihalari Belarus Respublikasida ham amalga oshirilmoqda.
Budnining soʻzlariga koʻra, bu mamlakatlarning aholisi Rossiya «Bilim» jamiyatining faoliyati bilan tanish. U Markaziy Osiyoga urgʻu berilishini tarixiy davomiylik bilan izohlab, tashkilot 1947 yildan beri mavjudligini qayd etdi.
Bosh direktorining oʻrinbosari qoʻshimcha qilib, jamiyat butun Sovet Ittifoqi davrida faoliyat yuritgan va eng taʼsirli taʼlim muassasalaridan biri boʻlganini aytdi. Shuningdek, u jamiyatning joriy faoliyati mintaqaviy mamlakatlardagi katta avlodlar tomonidan qabul qilinayotganini taʼkidladi.
Georgi Budnyi bu avlod vakillari tashkilot loyihalarida maʼruzachi va ekspert sifatida ishtirok etishi mumkinligini aniqlashtirdi.