Hisobotga koʻra, Hindistonning elektron tijorat bozori 2030 yilga deyarli uch barobar oʻsishi prognoz qilinmoqda va 2024 yildagi 125 milliard dollardan 345 milliard AQSh dollariga yetishi kutilmoqda. Bu oʻsish tezkor savdo va sunʼiy intellekt (SI) integratsiyasi faol rivojlanishi bilan bogʻliq.
Infisum tadqiqot konsalting kompaniyasi «Fast Marketdagi aqlli oʻsish» nomli hisobotni eʼlon qildi. Ushbu tadqiqotga koʻra, bozor 2030 yilgacha yillik oʻsish surʼati (CAGR) 18,4 foiz miqdorida oʻsishi kutilmoqda.
Hisobot mamlakatdagi dark-storelar tarmogʻining deyarli uch barobar koʻpayishi kerakligini taʼkidlaydi: 2025 yilda 2 525 birlikdan 2030 yilga taxminan 7 500 ga yetishi kerak, bu esa tezkor yetkazib berish boʻyicha oʻsib borayotgan talabni qondirish uchun zarur.
Tezkor savdo Hindiston elektron tijorat ekotizimining eng tez oʻsayotgan segmentidir. 2030 yilga kelib, bu segment 65–70 milliard dollar qiymatga ega boʻlishi va hisobotda aytilganidek, keyingi besh yil ichida chakana savdoning 45–50 foizini taʼminlashi kutilmoqda.
Tezkor savdo segmentining raqobatbardosh sohasida Blinkit yetakchi oʻrinni egallaydi va moliyaviy 26 yilda 900 million buyurtmani qayta ishlash orqali 44 foiz bozor ulushiga ega. Uni Zepto va Swiggy Instamart 25 va 20 foiz bozor ulushlari bilan ergatadi.
Hisobot Z avlodini asosiy oʻsish omili sifatida belgilaydi, chunki u allaqachon onlayn xaridorlarning deyarli uchdan bir qismini tashkil etadi va 2030 yilga kelib mamlakatdagi eng katta raqamli isteʼmolchi guruhiga aylanishi kutilmoqda. Bundan tashqari, kengayish yirik shaharlardan tashqariga ham tarqalmoqda: mijozdan bevosita (D2C) keladigan yangi buyurtmalarning 66 foizi hozirda ikkinchi va uchinchi darajali shaharlardan kelmoqda.
Asr oxiriga kelib, elektron tijorat Hindiston umumiy chakana xarajatlarining 10–12 foizini tashkil qilishi va milliy yalpi ichki mahsulotning 2,5 foizini taʼminlashi kutilmoqda, bu esa taxminan 420–440 million onlayn xaridorga xizmat koʻrsatadi.
Texnologik jihatdan, SI va mashinaviy oʻrganish 2030 yilga kelib chakana savdo samaradorligini 35–37 foizga oshirishi prognoz qilinmoqda. Suhbatdosh tijorat, SI asosidagi xarid yordamchilari va virtual sinov kabi innovatsiyalar isteʼmolchilar tomonidan tovarlarni topish va xarid qilish usullarini tubdan oʻzgartirmoqda.