Uzbekneftegaz va Ozarbayjon Davlat neft kompaniyasi (SOCAR) Oʻzbekiston hududida zamonaviy yoqilgʻi stansiyalari tarmogʻini rivojlantirishga qaratilgan hamkorlik toʻgʻrisida bitim imzoladi.
Bitimni imzolash Oʻzbekiston va Ozarbayjon oʻrtasidagi toʻrtinchi mintaqaviy hamkorlik forumi doirasida amalga oshirildi. Hujjat tomonlarning yoqilgʻi infratuzilmasini rivojlantirish sohasidagi oʻzaro aloqaning asosiy yoʻnalishlarini belgilab beradi.
Kelishuv shartlariga koʻra, Uzneftegaz va SOCAR Oʻzbekistonda zamonaviy benzin stansiyalari tarmogʻini yaratish va keyinchalik rivojlantirish imkoniyatlarini birgalikda oʻrganish va baholashni rejalashtirmoqda. Bundan tashqari, tomonlar ushbu obʼektlarning potentsial joylashuvini aniqlash va mos joylarni baholashni nazarda tutmoqdalar.
Kompaniyalar shuningdek, mumkin boʻlgan loyihalarni amalga oshirish uchun optimal biznes-modellar va amaliy mexanizmlarni ishlab chiqish boʻyicha birgalikda ishlashga rozi boʻldilar. Ushbu hamkorlik Uzbekneftegaz va SOCAR oʻrtasidagi oʻzaro aloqani kengaytirish, shuningdek, Oʻzbekiston yoqilgʻi infratuzilmasini takomillashtirish uchun yangi istiqbollarni ochishga xizmat qiladi.