AQSh Oziq-ovqat va dorilar sifatini nazorat qilish boshqarmasi (FDA) birinchi mRNK asosidagi gripp profilaktikasi vaksinasidan foydalanishga ruxsat berdi. Bu farmatsevtik kompaniya Modernaning rasmiy press-relizida maʼlum boʻldi.
Dori preparati mRNA-1010 (mFLUSIVA) nomiga ega. U tarkibida uch xil gripp virus shtammlarining sirtgi gemagglutininlari mRNKsi mavjud: A/H1N1, A/H3N2 va B/Victoria. Har bir shtamm uchun tarkibda 12,5 mikrogram antigen mavjud.
Bu vaksinaning asosiy afzalliklaridan biri uning antigen tarkibini Jahon sogʻliqni saqlash tashkiloti taqdim etadigan dolzarb mavsumiy tavsiyalarga muvofiq tezkor oʻzgartirish imkoniyatidir. Ushbu dori preparati 50 yoshdan katta shaxslarda grippga yuqilishning oldini olish uchun moʻljallangan.
Buyuk Britaniya va Bolgariya olimlari difteriya va tetanusni oldini olish uchun moʻljallangan yangi vaksina birinchi bosqichi klinik sinovlarining muvaffaqiyatli yakunlanganini eʼlon qilishdi. Ushbu preparat muzlatgichdan foydalanmasdan saqlanishi mumkinligi taʼkidlanmoqda.
Sinovlar davrida vaksina ishtirokchilar tanasi tomonidan yaxshi qabul qilinishi va jiddiy yon taʼsirlarga sabab boʻlmasligi aniqlandi. Bundan tashqari, uning immungenealligi saqlash va tashish paytida sovuq zanjiriga rioya qilish juda muhim boʻlgan mavjud vaksinalar bilan taqqoslanadi.
Oʻtkazilgan tadqiqotlar natijalari ilmiy nashr eClinicalMedicine da rasman eʼlon qilindi.
