Kosmik monitoring bugungi kunda nafaqat ma'lumotlarni yig'ish vositasi, balki ilmiy asosda boshqaruv qarorlarini qabul qilish, resurslardan ratsional foydalanish va hududlarning barqaror rivojlanishi uchun kalit element hisoblanadi. Farg'ona viloyatida amalga oshirilayotgan loyihalar bunday yondashuvning amaliy samaradorligini namoyish etadi.
Monitoring texnologiyalari bo'yicha media-tur
«O‘zbekkosmos» agentligi va Farg‘ona viloyati hokimiyati hamkorligida OAV vakillari va blogerlar uchun media-tur tashkil etildi. Ushbu tadbirning maqsadi jurnalistlar va blogerlarga hududlarni boshqarishda kosmik monitoring texnologiyalarining amaliy natijadorligini namoyish etish edi.
Qishloq xo'jaligida qo'llanilishi
Tur davomida jurnalistlar Kuva tumanidagi namunaviy intensiv bog'lar ishlashini ko'rib chiqishdi. «O‘zbekkosmos» agentligi mutaxassislari sun'iy yo'ldosh tasvirlari yordamida bog'larning rivojlanish dinamikasini, ekish maydonlarining holatini va vegetatsion ko'rsatkichlarini muntazam kuzatib boradilar. Bu usul bog'larning samaradorligini masofadan baholashga, muammolarni o'z vaqtida aniqlashga va hosildorlikni oshirish uchun ilmiy asoslangan tavsiyalar ishlab chiqishga imkon beradi. Bunday yondashuv meva mahsulotlari ishlab chiqarish hajmini oshirishga, eksport salohiyatini kengaytirishga va yer resurslaridan yanada samarali foydalanishga xizmat qiladi.
Ekologiya va qishloq xo'jaligini monitoring qilish
Kosmik monitoring axborot texnologiyalari markazi loyiha menejeri Doston Xoliqov shuni ma'lum qildi,ki, sun'iy intellektni qishloq xo'jaligida qo'llash orqali don, bug'doy, paxta va boshqa ekinlarning kundalik monitoringi olib borilmoqda. Bundan tashqari, ekologiya sohasidagi daraxt kesishlar kundalik nazorat qilinadi: ma'lum bir kuni kesilganligi haqidagi ma'lumot platformaga yuklanadi va mahalliy inspektorlarga taqdim etiladi.
Suv resurslarini boshqarish
Media-tur ishtirokchilari Kardikonda, Qo'rg'ontepa va Farg'ona Markaziy suv omboriga ham tashrif buyurdilar. Ushbu loyiha tanqislik sharoitida har bir gektar birligi uchun suvning haqiqiy ehtiyojini aniqlashga, sug'orish tizimlarini optimallashtirishga va suv resurslarini adolatli taqsimlashni ta'minlashga imkon beradi. Bu oziq-ovqat xavfsizligini ta'minlash va qishloq xo'jaligida suvni tejash texnologiyalarini keng joriy etish uchun katta ahamiyatga ega.
Amaliy mashg'ulot va hisobot berish
Doston Xoliqov monitoring shuningdek suv omborlarini ham qamrab olishini tushuntirdi: suv hajmi, uning holati, shuningdek, qishloq xo'jaligi yerlaridagi ekinlar tomonidan suv iste'moli kuzatiladi. Media-tur davomida Farg'ona viloyati tashkilotlari mutaxassislari uchun «Space Gov Monitoring» (SGM) platformasidan foydalanish bo'yicha amaliy trening o'tkazildi. Avval Toshkentda o'qigan mutaxassislar ushbu platforma bilan ishlash ko'nikmalarini mustahkamlashdi.
